Павлодар облысында қант зауытын салу мақсатында қызылша егілді

Павлодар облысында  қант зауытын салуды жоспарлаған  үш шаруашылық биыл 200 гектар алқапқа қант қызылшасын отырғызды. Бұл туралы BaigeNews.kz агенттігі хабарлады.

Қазақстан  500 мың тонна қант тұтынады, бірақ 50-60 мың тонна өндіріледі. Елімізде бұрыннан қызылша өсіретін аймақтарға Алматы және Түркістан облыстары жатады. Павлодар облысында өнеркәсіптік көлемде бұл өнімді  өткізетін  нарықтың болмауына байланысты өсірілмейді. Алайда жергілікті топырақ өте құнарлы, ал қант мөлшері оңтүстіктегіге қарағанда жоғары болар еді.

Өткен жылы 10 шаруа қожалығында неміс KWS маркалы сегіз сұрыпты қант қызылшасы отырғызылды. «Павлодар ауылшаруашылық тәжірибе станциясы» ЖШС бас директоры Байжан Уалхановтың айтуынша, олардың үшеуі талапқа сай болды.

«Аталған сұрыптардың қандай өнім беретіні біз үшін маңызды болды. Себебі бүкіл аймақтарға отырғызу  үшін дұрыс тұқым таңдап алу қажет болды. Көкөністің өнімділігі оның қалай суарылғанына, тыңайтқыштардың қосылғанына  байланысты. Кейбіреулер бұл мәселеге бұрынғыша қарайды, яғни  жоғарыдан айтылған «нұсқауды орындадық, деп  күзге дейін ұмытып кеткендер де болды» деп атап өтті ғалым.

Алынған өнім Алматы облысындағы Көксу қант зауытына сараптамаға жіберілді. «Павлодар ПК» АҚ мәліметінше, ол зауыт павлодарлық қызылшаның құрамындағы қанттың мөлшері жоғары екенін атап айтқан, егер Алматы облысында бұл көрсеткіш 15% болса, Павлодар облысында ол 18% құраған.

Олар Ақсу қаласында зауыт салуды жоспарлап отыр, онда индустриалды паркте 70 гектар жер бөлінді. Біз жобаның техникалық-экономикалық негіздемесін жасадық, инженерлік желілерге қосылудың техникалық мүмкіндіктерін қарастырдық. Салынатын зауытты 2022 жылы пайдалануға беру жоспарланған.

Аталған жобаны «Павлодар СПК» АҚ бақылайтын болады және олар инвестор іздестірумен айналысады. Алғашқы кезде қытайлықтар  бизнесті CNOOD Asia Limited (Пекин) алған еді, инвестиция көлемі 37 млрд теңге болатын 100 мың тонна өнім шығаруды жоспарлаған. Шикізаттың қажетті көлемі 750 мың тонна. Ол кезде қытай тарапымен меморандумға қол қойылды. «Павлодар» ПК кешенінің экономикалық мәселелер жөніндегі кеңесшісі Александр Бабенконың айтуынша, қазір шикізат базасын дайындау маңызды болып отыр.

«Қазіргі уақытта облыста біз қызылшаны өнеркәсіптік көлемде өсірмейміз.Себебі шикізатсыз зауыт салу қауіпті. Сондықтан да, ӘКК жобаны ұйымдастыруды басшылыққа алды. Содан кейін инвестор іздеу үшін уақытты кетірудің қажеті жоқ. Бизнес бастағанда бірден кірісуге болады», — деп есептейді кеңесші.

ҚР Ұлттық экономика министрлігі Статистика комитетінің мәліметінше, өткен жыл Қазақстандағы қант өнеркәсібі үшін ең нашар жылдардың бірі болды. Өндірістің жылдық көлемі 252,9 мың тоннаны құрады. 2018 жылмен салыстырғанда өндіріс 9,4% төмендеді. Соңғы 12 жылдың ішінде бұл көрсеткіш тек 2012 жылы нашар болған еді (173 мың тонна). Соңғы 4 жылда өндіріс 45% төмендеді.

Sugar.ru агенттігінің хабарлауынша, соңғы жылдары Қазақстанда халықты ішкі қантпен қамтамасыз ету мәселесі күрт көтерілген. Ол коронавирустық пандемия жағдайында одан да маңызды бола түсті. Шекаралар жабылды және бірқатар азық-түлік тауарларының, оның ішінде қанттың импорты мен экспорты шектеулі болды, осылайша  ауылшаруашылық тауар өндірушілері үшін жаңа қиындықтар пайда болды. Сондықтан да, қазіргі кезден бастап осы бағытта жұмыс істеу керек.