Егін егу маусымында Қазақстанда найзағай ойнап, жаңбыр жауады

15 мамырда Қазақстанның негізгі астық өсетін аймақтарында жаппай тұқым себу жұмыстары басталады. Алдағы күндері ауа-райы жұмыс кестесіне өзгертулер енгізуі мүмкін. Қазгидромет мәліметі бойынша,19 мамырда республиканың басым бөлігінде дауыл болып, жаңбыр жауады.

«Таяу күндері, солтүстік-батыс циклонына байланысты фронтальды учаскелер бүкіл Қазақстан бойынша өтіп тұрақсыз ауа райы сақталады. Солтүстік өңірде жауын жауып, шығыста және оңтүстік-шығыста кей жерлерде қатты жаңбыр  болады. Кей жерлерде найзағай, тұман, бұрқасын болып, жел күшейіп, бұршақ жаууы мүмкін. Ауа температурасының төмендеуі болады деп күтілуде, тек республиканың оңтүстігінде ау температурасы жоғарылайды», — деп хабарлады Қазгидромет.

Синоптиктер бірнеше аймақта дауыл болады деп ескерту жасады. Атап айтқанда, 19 мамырда Ақмола облысында күн күркіреп, кей жерлерде бұршақ  жауады. Оңтүстіктен, түнде оңтүстік-батыстан жел тұрады, кей жерлерде күндіз секундына 15-20 метрге дейін жетеді.

Нұр-Сұлтан қаласында 19 мамырда таңертең және түстен кейін күн күркіреп, оңтүстік және оңтүстік-батыстан жел соғады, екпіні секундына 15-20 метрге дейін жетеді.

Қостанай облысында түнде кей жерлерде жаңбыр жауады. Облыстың кей жерлерінде күн күркіреп, тұман түседі, солтүстік-батыстан, батыстан секундына 15-20 метрге дейін жел тұрады.

Солтүстік Қазақстан облысының басым бөлігінде ертең жаңбыр жауады. 19-20 мамырда күн күркіреп, бұршақ жауады, түнде және таңертең тұман болады. Жел оңтүстіктен, оңтүстік-батыстан секундына 15-20 метрге дейін жел тұрады, күндіз екпіні секундына 25 метрге дейін жетеді.

Сонымен қатар, Түркістан облысының таулы аймақтарында түннің бірінші жартысында қатты жаңбыр жауады. Көбінесе күн күркірейді, бұршақ жауады. Батыста жел секундына 15-20 метрге жетеді.

Шымкентте түнде және таңертең — найзағай ойнап, бұрқасын болады.

Таңертең және күндіз Қызылорда облысының кей жерлерінде найзағай болады. Оңтүстік-батыстан, батыстан, таңертең және күндіз секундына 15-20 метр жылдамдықпен жел соғады.

Алматы облысында таңертең және күндіз таулы және тау бөктерлі аудандарында қатты жаңбыр жауады. Көбінесе - найзағай, шаңды дауыл тұрып, бұршақ жауады. Батыстан соққан желдің күші секундына 17-22 метрге жетеді.

Батыс Қазақстан облысында кей жерлерде найзағай, бұрқасын болып, бұршақ жауады, оңтүстік-батыстан жел соғады, солтүстік-батысқа ауысады, кей жерлерде секундына 15-20 метрге дейін күшейеді.

Маңғыстау облысында 19 мамырда кей жерлерде тұман түседі, күндіз кей жерлерде найзағай ойнайды, оңтүстік-батыстан жел соғады, солтүстік-батыстан секундына 15-20 метр жылдамдықпен жел соғады.

Күндіз Атырау облысында күн күркіреп, бұршақ жаууы мүмкін. Батыстан, солтүстік-батыстан жел соғады, екпіні секундына 15-20 метрге жетеді.