Қазақстанда бір жылда қант қызылшасының өнімі екі есе өсті

Ағымдағы жылы Қазақстан аграрийлері 1,1 млн тонна қант қызылшасын жинауды жоспарлап отыр, 2023 жылы жалпы алым 509 мың тоннаны құрады. Осыған байланысты Жамбыл облысының фермерлері үшін шикізатты өткізу және қайта өңдеу мәселесі ерекше өзекті болды, деп хабарлады ҚР Ауыл шаруашылығы министрлігінің баспасөз қызметі.

ҚР премьер-министрінің тапсырмасы бойынша ауыл шаруашылығы министрі Айдарбек Сапаров қызылша өсірушілермен кездесті.

Сондай-ақ, министр қыркүйек айының басында іске қосылуға белсенді дайындалып жатқан «Меркі қант» ЖШС-де болды. Кәсіпорын қызылшаның жаңа дақылының көп бөлігін өңдеуі керек. Қалған көлемдер «Ақсу кант» зауытына жөнелтіледі. Бұл үшін облыс Таразда жөнелтуге арналған алаңы бар теміржол тұйығын дайындайды.

Ауыл шаруашылығы министрлігі ағымдағы жылы мемлекет басшысының тапсырмасы бойынша егіс және егін жинау жұмыстарына ауыл шаруашылығын қаржыландыру 3,1 есеге ұлғайтылғанын еске салды. Бұл қаражат фермерлерге агротехнологияларды сақтауға, қажетті ресурстарды уақытында сатып алуға мүмкіндік берді. Қабылданған шаралардың нәтижесінде Жамбыл фермерлері алғаш рет 550 мың тонна қант қызылшасы деңгейінде өнім өсіре алды. Қайта өңдеуді қолдау үшін мемлекеттен 1 кг қант қызылшасына 25 теңге мөлшерінде субсидиялар бөлінеді.