Қызылорда облысында қуаттылығы 4 мың тонна көкөніс қоймасы салынуда

Көкөністер мен жемістерді сақтауға және өңдеуге маманданған Aray Food компаниясы жаңа қойма салуға 1,2 млрд теңге инвестициялайды. Жоба бес камераны орнатуды көздейді, олардың әрқайсысы 800 тоннаға дейін ауыл шаруашылығы өнімін сақтауға арналған, деп хабарлады ҚР Ауыл шаруашылығы министрлігінің баспасөз қызметі.

Ведомствода жобаның іске қосылуы Қызылорда облысының ауыл шаруашылығы құрылымдарының көкөністер мен жемістерді сақтау және өңдеу бойынша мүмкіндіктерін едәуір кеңейтетінін атап өтті.

Жалпы, ағымдағы жылы өңірде 11 инвестициялық жоба іске қосылады, оның ішінде алтауы - өсімдік шаруашылығы өнімдерін өңдеу және күріш өндіру бойынша, екеуі – суару бойынша.

Жеті жоба пайдалануға берілді. Атап айтқанда, «Шиелі құс» ӘКК бройлер етін өндіру бойынша жобаны іске асырды, «Бақдәулет-57 «ШҚ қуаттылығы 1000 тонна СТФ іске қосты.