Қазақстан алма әкелуге тыйым салды
Қазақстан жыл соңына дейін алманы автокөлікпен әкелуге тыйым салды. Шектеу ЕАЭО мүше мемлекеттерден алма әкелуге және алманың Қазақстан аумағы арқылы халықаралық транзитіне әсер етпейді. Бұл туралы Ауыл шаруашылығы министрлігінде хабарлады.
"Отандық алма өндірісін қолдау және отандық өнімді өткізуді қамтамасыз ету мақсатында сыртқы сауда саясаты және Халықаралық экономикалық ұйымдарға қатысу мәселелері жөніндегі ведомствоаралық комиссия 2024 жылғы 31 желтоқсанға дейін үшінші елдерден автокөлікпен алма әкелуге тыйым салуды (ТНВЭД коды: 080810) енгізуді мақұлдады", - деп хабарлады ведомстводан.
Ауыл шаруашылығы министрлігі егін жинау науқаны кезінде алманың қатар әкелінуінен қазақстандық бағбандар өнімдерін өткізуде қиындықтарға тап болып, бұл олардың қаржылық жағдайын нашарлататынын атап өтті.
"2024 жылдың 7 айында шамамен 107,3 мың тонна алма импортталды (2023 жылдың сәйкес кезеңімен салыстырғанда 58%-ға өсті). Негізгі импорт Польша, Иран, Өзбекстан, ҚХР-дан жүзеге асырылады. Бұл ретте импорттың өсуі Қытайдан және Ираннан импорттың 18 есе және Ираннан 7 есе өсуіне байланысты", - деп хабарлады АШМ.
Ведомствоның мәліметінше, алма әкелуге тыйым салу егін жинау кезеңінде ғана енгізілген. Бұл отандық бағбандарға өнімді қолайлы бағамен сатуға мүмкіндік береді. Маусымаралық кезеңде алма импорты шектелмейді.
"Қазақстанда бау-бақша шаруашылығын, отандық алма өндірісін дамыту үшін субсидиялар, жеңілдікті несиелеу түрінде мемлекеттік қолдау шаралары қабылдануда. Қабылданған шаралардың нәтижесінде соңғы бес жылда алма бойынша қамтамасыз ету 2019 жылғы 62,9%-дан 2023 жылы 80%-ға дейін өсті", - деп қосты министрлікте.