Сапаров Ресейге ҚазАгроҚаржыны қаржыландыруды ұсынды

ҚР Ауыл шаруашылығы министрі Айдарбек Сапаров Ресей Федерациясына Қазақстанда ресейлік маркалы ауыл шаруашылығы техникасын сатып алуды одан әрі ынталандыру үшін ҚазАгроҚаржыны қаржыландыруды ұсынды. Бұл туралы ҚР Ауыл шаруашылығы министрлігі хабарлады.

Айдарбек Сапаров Қазақстан мен Ресейдің XIX өңіраралық ынтымақтастық форумының сессиясында сөз сөйледі.

«Мемлекет басшысының тапсырмасы бойынша Үкімет ауыл шаруашылығы техникасын жаңарту деңгейін жылына 8-10%-ға дейін жеткізу жөнінде шаралар қабылдауда. Осыған байланысты Қазақстан Республикасының аумағында өндірілетін ресейлік маркалы техниканы сатып алуға жеңілдікпен қаржыландыру мақсатында ресейлік даму институттарының ауыл шаруашылығы техникасы лизингі жөніндегі ұлттық оператор - ҚазАгроҚаржы компаниясын қорландыру мүмкіндігін қарастыру ұсынылады», - деді Айдарбек Сапаров.

Тақырып бойынша оқу: Қазақстанда комбайндар өндірісі 63% ға өсті

Айта кетейік, өңіраралық ынтымақтастық форумы барысында ҚР Президенті Қасым-Жомарт Тоқаев таяу уақытта Қазақстанда машина жасауды мемлекеттік қолдау шаралары өзгеретінін айтты. Ол елімізде жетекші ресейлік Rostselmash және «Петербург трактор зауыты» компанияларының тракторлары мен комбайндарын құрастыру өндірісі сәтті жүзеге асырылып жатқанын еске салды.

«Қазақстан фермерлерге жеңілдікті кредит беру және лизинг беру арқылы ауыл шаруашылығы техникасына сұранысты қамтамасыз етеді. Таяу уақытта машина жасау саласында біз мемлекеттік қолдау шараларын ірі тораптан шағын тораптық құрастыруға, аралас өндірістер құруға кезең-кезеңімен қайта бағыттаймыз. Осы бағыттағы одан әрі үдемелі ынтымақтастық үшін елдерімізге еңбек өнімділігін арттыруға, импорттық жинақтауыштарды оқшаулауға және өнімді жұмыс орындарын құруға баса назар аудару қажет», - деді Қазақстан Президенті.