Қазақстанда 13,5 млн тонна астық бастырылды

Бүгінгі таңда Қазақстанда 11,3 млн га астық жиналды, бұл егін жинау алаңының 69,8% құрайды. 12 ц/га орташа өнімділік кезінде 13,5 млн тонна астық бастырылды. 2021 жылы ұқсас күнге орташа өнімділік 8,9 ц/га құрады. Бұл туралы ElDala.kz ҚР СІМ баспасөз қызметіне сілтеме жасай отырып хабарлайды.

Бүгінгі күні майлы дақылдар 337,5 мың га алқапта жиналды - жоспардың 10%, 220,6 мың тонна бастырылды.

Картоп 66,5 мың га алқапта жиналды - жоспардың 34%, 1,4 млн тонна көлемінде егін жиналды. 113,1 мың га-ға 3,2 млн тонна немесе жалпы ауданның 66% көкөніс жиналды.

Естеріңізге сала кетейік, дәнді дақылдардың жалпы түсімінің болжамды көлемі 18,3 млн тонна, оның ішінде бидай 13,4 млн тоннадан асады деп күтілуде.