Қазақстанда жыл басынан бері 15 астық қоймасы іске қосылды

Қазақстанда осы жылдың І тоқсанында жалпы қуаттылығы 121 мың тонна болатын 15 астық қоймасы іске қосылды. Бұл туралы ElDala.kz Ұлттық статистика бюросының мәліметтеріне сілтеме жасай отырып хабарлайды.

Іске қосылған объектілердің құны 1,528 млрд теңгені құрады. Оның ішінде 3 астық қоймасы Ақмола облысында, 10 - Павлодар облысында және 2 - СҚО-да іске қосылды.

Сондай-ақ, статведомствоның мәліметінше, Павлодар облысында құны 64 млн теңге, қуаты жылына 4 мың тонна астықты сақтау және қайта өңдеу үшін 1 элеватор енгізілді.

Бұдан басқа, І тоқсанда Павлодар облысында қуаттылығы 23 мың тонна (құны – 1,149 млрд теңге) 2 көкөніс қоймасы және Алматы облысында 240 мың тоннаға (құны-78 млн теңге) 1 жеміс – жидек қоймасы және ауданы 52 мың шаршы метр (құны – 1,126 млрд теңге) 2 көкөніс жылыжайы іске қосылды.

Сонымен қатар, жыл басынан бері жалпы құны 2,239 млрд теңге болатын ІҚМ ұстауға арналған 21 үй-жай, құны 663 млн теңге болатын қой ұстауға арналған 2 үй-жай, Ақмола облысында қуаттылығы 30 мың тонна (құны-15,7 млрд теңге) ет бағытындағы 1 құс фабрикасы және қуаттылығы 1210 бас (құны-4,978 млрд теңге)2 сүт кешені іске қосылды.

Жамбыл облысында құны 395 млн теңгені құрайтын балық өсіретін зауыт іске қосылды.