Қазақстанның жоспарында астық экспортын шектеу жоқ

Астық өнімі бойынша болжамның нашарлауына қарамастан үкімет оны әкетуге шектеулер енгізу қажеттігін әлі қарастырып отырған жоқ. Бұл туралы ОКҚ брифингінде ауыл шаруашылығы министрі Айдарбек Сапаров мәлімдеді.

"Ауа-райының қолайсыздығына қарамастан, астықтың күтілетін көлемі елді нан, ұн және макарон өнімдерімен толық қамтамасыз ету үшін жеткілікті болады. Естеріңізге сала кетейін, біз маусымды өткен жылғы астықтың үлкен көлемімен бастадық. Бұл ретте аталған өнім жоғары сапалы көрсеткіштермен ерекшеленеді", - деді Ауыл шаруашылығы министрлігінің басшысы.

Сонымен қатар, ол өнімділіктің төмендеуіне байланысты экспорттық әлеует те қысқаратынын атап өтті, бірақ тұтастай алғанда бұл дәстүрлі экспорттық нарықтардағы позицияларды ұстап тұру үшін жеткілікті болады. АШМ болжамы бойынша жаңа маркетингтік жылы астық экспорты шамамен 6 млн тоннаны, ал ұн - 1,2-ден 1,5 млн тоннаға дейін құрайды.

"Бүгінгі таңда астық экспортын шектеуге алғышарттар жоқ. Егіннің болжамы аз болады, бірақ ішкі нарық үшін жеткілікті", - деді Айдарбек Сапаров.

Сондай-ақ, Ауыл шаруашылығы министрлігі күнбағыс, картоп, көкөніс, күріш және басқа да әлеуметтік маңызы бар өнімдер тапшылығын болжамайды.