Азық-түлік корпорациясы астық сатып алу кезінде микотоксиндерге қойылатын талаптарды алып тастайды

Азық-түлік корпорациясы фермерлердің өтініші бойынша өскен астықты сатып алу кезінде микотоксиндерге талдау жүргізу туралы талаптарды алып тастайды. Бұл туралы "Азық-түлік корпорациясы" ҰК Қостанай облыстық өкілдігі басшысының міндетін атқарушы Алмат Шаяхметов өңірлік кәсіпкерлер палатасының АӨК мәселелері жөніндегі кеңесінің отырысында мәлімдеді.

Естеріңізге сала кетейік, Үкімет 4 және 5 сыныпты 350 мың тонна бидай мен санаттан тыс бидайды тікелей сатып алуға 31,4 млрд теңге бөлді. Алайда, фермерлер Азық-түлік корпорациясының астық сапасына қойылатын талаптары асыра бағаланғанын, нәтижесінде олар бұл өнімді сата алмайтынын айтты.

Атап айтқанда, микотоксиндерге талдау жүргізу туралы талапқа қатысты көптеген сұрақтар туындады. Қостанай облысының Ауыл шаруашылығы тауарын өндірушілер қауымдастығында мұндай талдау жүргізу қосымша шығындарды талап ететіндігі атап өтілді. Фермерлердің қаржылық жағдайын ескере отырып, бұл тармақты Азық-түлік корпорациясының ережелерінен алып тастау ұсынылды.

«Енді микотоксиндер туралы хаттаманы алып тастау мәселесі талқылануда және бұл талап жойылуы мүмкін. Қауымдастықтың нормаларды өзгерту туралы өтінішін міндетті түрде қарастырамыз», - деді Алмат Шаяхметов.

Айта кетейік, аграрийлерден сатып алынатын бидайдың сапасына қойылатын басқа да шарттарды өзгерту сұралады. Атап айтқанда, 4 және 5-сыныпты астық сатып алу кезінде өскен астық бойынша 1%-дан аспайтын талап қойылады. МС 5-сыныпта астық қоспасын (оның ішінде өскен астықты) 15%-ға дейін рұқсат етеді. Биылғы жылы өсімнің жоғары көлемін ескере отырып, фермерлерге көмектің осы түрін ұсынудан бас тартылады.