Қазақстандық hi-pro бидайы тоннасына 320 доллардан ұсынылады

Ағымдағы аграрлық маусымның бірінші жартысының қорытындысы бойынша (2023 жылғы шілде – желтоқсан) Түркия Ресейде барлық түрдегі 4 млн 281 мың тонна астық сатып алды. Бұл алдыңғы агромаусымның ұқсас кезеңіне қарағанда 12,7%-ға аз. Екінші орында Иран (3,9 млн тонна), үшінші орында Египет (2,9 млн тонна).

Сондай-ақ, бестікте Сауд Арабиясы мен Бангладеш –  әрқайсысы 2 млн тонна.

Осы уақытта Египет кезекті тендерде 420 мың тонна ұн тартатын бидай сатып алды. Осы көлемнің 360 мың тоннасы - ресейлік астық, бағасы тоннасына 265 доллар (FOB).

Тақырып бойынша оқу: Қазақстан фермерлері қоқыс егіп жатыр ма?

Айта кетейік, Орталық Азияға жеткізу үшін hi-pro сапасындағы қазақстандық бидайдың бағасы тоннасына 320-330 долларды құрайды (DAP Сарыағаш).

Қазақстандық ETS биржасында жаңа жылда бидай саудасы әлі өткізілген жоқ. 2023 жылғы 29 желтоқсандағы соңғы ұсыныс 23-24% (EXW) глютені бар бидай үшін тоннасына 135 мың теңге (шамамен 300 доллар) болды.

Естеріңізге сала кетейік, 2023 жылдың қорытындысы бойынша Қазақстан 9 млн тонна астық экспорттаған.