Қазақстанда бидай қоры 10 млн тоннадан асады

2024 жылдың 1 ақпанына Қазақстанда астық қоры 12,6 млн тоннаны құрады, оның ішінде бидай – 10,1 млн тонна. Бұл туралы Ұлттық статистика бюросы хабарлады.

Астықтың жалпы көлемінен азық-түлік қоры шамамен 8,5 млн тоннаны, тұқымдар – шамамен 1,2 млн тоннаны және жемшөп - 2,9 млн тоннаны құрайды.

Азық-түлік бидайы қоймаларда шамамен 7,3 млн тоннаны құрады, тұқым қорында 913 мың тоннаға жуық, 1,9 млн тоннадан астамы жемшөп үлесіне тиесілі.

Статистикаға сәйкес, 1 ақпанда ауыл шаруашылығы өндірушілерінің қоймаларында 3,4 млн тоннадан астам бидай, элеваторларда – 3,3 млн тоннадан астам, фермерлік шаруашылықтарда – 1,7 млн тонна, көтерме саудагерлерде – 155 мың тонна болды. Ұн тартқыштардың қоры 970 мың тоннадан және басқа заңды тұлғаларда 508 мың тоннадан асты.

Арпа қоры шамамен 1,6 млн тоннаны құрады: 604,9 мың тонна – азық-түлік, 828 мың тонна – жемдік және 161 мың тонна - тұқым.

Сонымен қатар, Қазақстанда жүгері қоры 187 мың тоннаны, күріш – 243 мың тоннаны, қара бидай – 23 мың тоннаны, сұлы – 125 мың тоннаны, қарақұмық – 84 мың тоннаны құрады.