Қазақстанда егінді құрғақшылықтан сақтандыру басталды

Қазақстанда 2024 жылға дәнді және майлы дақылдар дақылдарын құрғақшылықтан сақтандыруға өтінімдер қабылдау басталды. Сақтандыру Kezekte.kz платформасында онлайн режимінде өтеді. Бұл туралы Аграрлық несие корпорациясының баспасөз қызметі хабарлады.

Дақылдарды құрғақшылықтан сақтандыруға өтінімдерді қабылдау (2 және 3 кезең) дәнді дақылдар үшін - 1 сәуірге дейін, майлы дақылдар үшін - 15 сәуірге дейін жүргізіледі.

Топырақ ылғалдылығының жетіспеушілігінен сақтандыру кезеңі (екінші кезең) 15 маусым мен 14 қыркүйек аралығында өтеді. Сақтандыру тарифі сақтандыру сомасының 4% құрайды. Максималды сақтандыру төлемінің мөлшері сақтандыру сомасының 33% құрайды.

Үшінші кезең бойынша сақтандыру қорғау кезеңі - 15 мамырдан 14 қыркүйекке дейін. Осы өнім бойынша сақтандыру тарифі сақтандыру сомасының 6,1%-ын құрайды; ең жоғары сақтандыру төлемінің мөлшері - сақтандыру сомасының 48%-ын құрайды.

Өз егістіктерін Абай, Ақмола, Ақтөбе, Шығыс Қазақстан, Батыс Қазақстан, Қарағанды, Қостанай, Павлодар, Солтүстік Қазақстан және Ұлытау облыстарының фермерлері сақтандыра алады.

АНК деректері бойынша, 2023 жылы егіс және егін жинау науқандары кезінде қолайсыз ауа-райынан зардап шеккен фермерлерге 3 млрд 782 млн теңге сомасында сақтандыру төленді: 2 млрд 896 млн теңге - құрғақшылықтан және 886 млн теңге - топырақтың артық ылғалдылығынан зардап шеккендерге.

Өткен жылы 279 мың га егіс алқабы сақтандырылды. Бұл ретте фермерлердің сақтандыру шығындары 330 млн теңгені құрады, сақтандыру сыйлықақысының қалған бөлігі мемлекеттік субсидиялар есебінен 1319 млн теңге көлемінде төленді.