Қазақстанда егін жинау алаңының 61%-нан 14,8 млн тонна астық жиналды

Қазақстанда 22 қыркүйекке 9,8 млн га немесе дәнді және дәнді-бұршақты дақылдардың жалпы көлемінің 61,1% жиналды (болжамды егін жинау алаңы - 16 млн гектардан астам). 14,8 млн тонна астық бастырылды, деп Қазақстанның Ауыл шаруашылығы министрлігінің баспасөз қызметі хабарлады.

Сондай-ақ, бүгінде аграрийлер 656,1 мың тонна майлы дақылдар, 227,4 ц/га өнімділікте 1,8 млн тонна картоп, 297,9 ц/га өнімділікте 2,8 млн тоннаға жуық көкөніс жинады.

Оның ішінде 323,9 ц/га өнімділікте 404 мың тоннадан астам қырыққабат, 412,5 ц/га өнімділікте 717,3 мың тонна пияз, 290,4 ц/га өнімділікте 282,8 мың тонна сәбіз жиналды.