Қазақстанда жемдік ұнның экспорттық бағасы тоннасына 275 долларға дейін өсті

12:12 Астық

Қазақстан-Қытай шекарасында бидай-арпа жемшөп қоспасының (жемдік ұнның) экспорттық бағасы өткен аптада тоннасына 10 долларға өсіп, 270-275 долларға жетті (DAP Алашанькоу/Қорғас жеткізу шарттары). Бұл туралы Қазақстанның Астық одағының талдау комитетінің басшысы Евгений Карабанов хабарлады.

Сарапшы түсіндіргендей, жемдік ұн бағасының өсуі бидайдың ішкі бағасының өсуімен байланысты. Сонымен қатар, бір апта ішінде бидайдың экспорттық бағасы айтарлықтай өзгерген жоқ. Тек 5-сыныпты бидай тоннасына 1 долларға, 256-260 долларға (DAP Сарыағаш) дейін қымбаттады.

Евгений Карабанов сондай-ақ Қазақстанда ішкі және сыртқы астық нарықтарында белсенділігі төмен екенін айтты.

«Жаңа Салық кодексіндегі өзгерістерге және теңгенің нығаюына байланысты теріс факторлар ішкі және экспорттық бағалар арасындағы алшақтықтың артуына әкеліп соқтыруда. Сонымен қатар, бұл факторлар экспорт маржасын төмендетіп, экспорттың тоқырауына әкелді. Осы жағдайларды, сондай-ақ маусымдықты ескере отырып, мамыр айында астық пен майлы дақылдар экспортының одан әрі төмендеуі күтілуде», - деп атап өтті сарапшы.

Оның айтуынша, қазіргі уақытта ішкі нарықтағы бидайдың негізгі сатып алушылары өңдеушілер (ұн тартушылар мен жемдік ұн өндірушілер) болып қала береді. Соңғы аптада ішкі нарықта астық бағасы айтарлықтай өзгерген жоқ.

Қазақстанның Астық одағының талдау комитетінің деректері бойынша 4-10 мамыр аралығында Қазақстанда астық дақылдарының бағасы (EXW - элеватор шарттары, теңге/тонна, 16% ҚҚС қоса алғанда) құрады:

3-сыныпты бидай (желімшесі 23-24%) - 96-99 мың (аптасына +1 мың теңге)
3-сыныпты бидай (желімшесі 25-26%) - 97-101 мың (+1 мың)
3-сыныпты бидай (желімшесі 27%) - 104-107 мың (0)
3-сыныпты бидай (желімшесі 28-29%) - 110-114 мың (0)
3-сыныпты бидай (желімшесі 30+) - 121-125 мың (0)
4-сыныпты бидай - 95-97 мың (+1 мың)
5-сыныпты бидай - 93-95 мың (+1 мың)
жемдік арпа - 90-93 мың (+0)
зығыр тұқымы - 230-235 мың (-5 мың)

Экспорттық бағалар (USD/тонна):

3-сыныпты бидай (желімшесі 23-24%) - 269-273 DAP Сарыағаш (0)
3-сыныпты бидай (желімшесі 25-26%) - 273-277 DAP Сарыағаш (0)
3-сыныпты бидай (желімшесі 27%) - 276-281 DAP Сарыағаш (0)
3-сыныпты бидай (желімшесі 28-29%) - 290-295 DAP Сарыағаш (0)
3-сыныпты бидай (желімшесі 30+) - 310-315 (0)
4-сыныпты бидай - 260-264 DAP Сарыағаш (0)
5-сыныпты бидай - 256-260 DAP Сарыағаш (+1)
арпа - 235-240-DAP Сарыағаш (0)
арпа - 255-260 FOB Ақтау (0)
арпа - 235-238 DAP Достық / Алтынкөл (0)
зығыр тұқымы - 525-530 FCA-жөнелту станциясы (0)