Қазақстанға Омбыдан 100 вагон астық әкелінді

Алғашқы 7 мың тонна астық Ресей Федерациясының Омбы өлкесінен наурыз айында Қазақстан Республикасына жеткізілді, деп хабарлады Омбы облысындағы Ресейдің  Ауыл шаруашылығы министрлігінің баспасөз қызметі.

Аталған хабарламада айтылғандай, «Сібір астығы» компаниясының өнімі Омбы-Чкалов  бағыты бойынша теміржол арқылы жеткізілді.

Қазіргі уақытта  «Сібір астығы» компаниясының өнімдерін негізгі импорттап алушы елдер Қазақстан мен Өзбекстан  екендігі атап айтылды. Қазақстан Республикасына Омбыдан келесі жолы бидайдың 3 және 4 сұрыптарын жеткізу жоспарланып отыр.

Сонымен қатар, ҚР АШМ  мәліметтері  бойынша наурыздағы жағдай бойынша республикадағы астықтың экспорттық әлеуеті 3,1 млн. тонна болып табылады.