Қазақстан 2019 жылы $60 млн. балық өнімін экспорттады

Балық өнімдерін қайта өңдеу нәтижесінде өткен жылы Қазақстан жалпы құны 60 млн АҚШ долларын құрайтын 30 мың тонна өнімді экспорттады, бұл 2018 жылмен салыстырғанда 16,6% -ға көп. Бұл мәліметті Орталық коммуникациялар қызметі хабарлады.

Балық аулау саласындағы ең басты мәселе балық өнімдерінің көлеңкелі айналымы болып табылады, бұл орташа жылдық өндірістен шамамен 5 есе жоғары. Оны жою үшін су қоймасынан бастап соңғы тұтынушыға дейін балық айналымының барлық процесін цифрландыру қажет. Балықты көлеңкелі бизнестен алып тастау салық қорын 40 миллиардтан астам теңгеге ұлғайтады, деп мәлімдеді Экология, геология және табиғи ресурстар министрі Мағзұм Мирзағалиев ОКҚ-да есеп беру кездесуінде.

Ол отандық балық өнімдерінің нарығын кеңейтуде жақсы мүмкіндіктер  ашылатынына сенім білдірді. Осыған байланысты, қазіргі уақытта Министрлік балық аулау саласын ұзақ мерзімді дамыту бойынша бірқатар заңнамалық шараларды, соның ішінде субсидиялау мәселелерімен айналысуда. Бұл инвестиция тартуға және жұмыс орындарын құруға көмектеседі.

М.Мирзагалиевтің айтуынша, елімізде 180 балық фермасы балық өсірумен айналысады, онда 1 мыңнан астам адам жұмыс істейді. Балық шаруашылығының өндірісі артып келеді. 2019 жылы 6,9 мың тонна балық өсірілді, бұл 2018 жылғы деңгейден 19% жоғары. Ағымдағы жылға жоспар - 7,8 мың тонна.

Жалпы, 2019 жылы Қазақстан Республикасында 45 мың тонна балық ауланды, бұл 2018 жылғы деңгейден 23% жоғары. Өнеркәсіпте 11 мың адам жұмыс істейді.