Қазақстанға жылқы етінің импорты 50%-ға өсті

2022 жылы Қазақстанда жылқы етін өндіру 3,9% - ға өсті, барлығы 157,1 мың тонна ет өндірілді. Сонымен қатар, елге жылқы етінің импорты үлкен қарқынмен өсіп, жыл қорытындысы бойынша 50,2% құрады. Бұл туралы ҚР Ұлттық статистика бюросы хабарлайды.

"Өткен жылдың 12 айында 3,6 мың тонна жылқы еті импортталды, ал 2021 жылы 2,4 мың тонна әкелінді. Осылайша, өсім 50,2% құрады", - деп хабарлады Ұлттық статистика бюросы.

1 наурыздағы мәлімет бойынша, Қазақстанда 3,8 млн жылқы болған, бұл өткен жылмен салыстырғанда 10,8% - ға артық. Ауыл шаруашылығы кәсіпорындарында 272,5 мың бас жылқы, шаруа және фермер қожалықтарында – 1,9 млн бас, халық шаруашылықтарында – 1,6 млн бас ұсталады.

Бұған дейін Қазақстан жыл сайын негізінен Уругвайдан, Аргентинадан, Ресейден және Моңғолиядан 2-2, 5 мың тонна мұздатылған жылқы  импорттайтыны хабарланған болатын. Ет комбинаттары импорттық шикізатты төмен бағаға байланысты сатып алады: тасымалдау шығындарын қоса алғанда, бір кг үшін орта есеппен  2,4 доллар.