Ақмола облысында сібір жарасына байланысты 500 кг ет жойылды

Ақмола облысында сібір жарасын жұқтыру ошағы анықталғаннан кейін 536 кг ет өртеу арқылы жойылды. Ет аймақтан тыс жерлерге шығарылмаған. Инфекция ошағын жою бойынша жұмыстар жүргізілуде. Бұл туралы ҚР Денсаулық сақтау министрлігінде хабарлады.

Санитарлық-эпидемиологиялық сараптама нәтижелері бойынша 21 ет сынамасының 16-сында сібір жарасының ДНҚ-сы анықталды.

"Ауыл шаруашылығы өнімдерін әкетуге шектеу шаралары енгізілді. Өртеу жолымен 536 кг жойылды. Сібір жарасы ошағын оқшаулау бойынша эпидемияға қарсы және эпизоотияға қарсы іс-шаралар жалғасуда. Жағдай бақылауда", - деп хабарлады ведомстводан.

Естеріңізге сала кетейік, өңірде облыс әкімі орынбасарының басшылығымен штаб құрылған. Штабтың шешімімен 31 тамыздан бастап Үшқарасу ауылының аумағында карантин жарияланды. Барлық тексерілген ошақтарда қорытынды дезинфекция жүргізілді.

Денсаулық сақтау министрлігінің мәліметінше, халық арасында сібір жарасына күдікпен 15 жағдай тіркелген (Жарқайың ауданында 13 адам және Есіл ауданында екі адам). 

"Барлық науқастар Ақмола облысы Жарқайың ауданы Үшқарасу ауылында орналасқан "Үшқарасу" ЖШС қызметкерлері болып табылады. Адамдардың ауруы жанасумен, союмен, союға қатысумен, ауру жануарлардың етін жою орнына тасымалдаумен байланысты", - деп атап өтті министрлікте.

Барлық науқастар Есіл қаласының ОАА жұқпалы аурулар бөлімшесінде "сібір жарасы" диагнозымен (10-ы зертханалық расталған сібір жарасы диагнозымен, 5-і клиникалық көріністермен) жатыр.

"Орташа ауырлықтағы науқастардың жағдайы тиісті ем алуда. Медициналық бақылауда жүрген 35 байланыс тұлғасы анықталды", - деп толықтырды ведомстводан.