АНК ауыл шаруашылығы жануарларын сақтандыруға өтінімдер қабылдайды

Қазақстанда ауыл шаруашылығы жануарларын сақтандыруға өтінімдерді қабылдау жалғасуда. Сақтандыру бағдарламасының операторы «Аграрлық несие корпорациясы» болып табылады.

Қазақстан фермерлері ірі қара малды аурулардан, өрттерден, жазатайым оқиғалардан, табиғи апаттардан, ұрлықтан сақтандыра алады. Бұл ретте өз шаруашылығының аумағында да, көрші шаруашылықтардың аумағында да 5 км радиуста болған кезде малды сақтандыруға болады. Шаруашылық кемінде 10 бас ірі қара малды сақтандыра алады.

Сондай-ақ, ұсақ малды, жылқыларды, құстар мен шошқаларды сақтандыру жүргізілуде: шартты рәсімдеу үшін кемінде 30 басты сақтандыру қажет.

Шарт 12 ай мерзімге Agroinsurance ақпараттық сервисінде Kezekte.kz платформасында ресімделеді.

Сақтандыру тарифтері сақтандыру шартының құнынан 1,54% - 9,85% деңгейінде белгіленген және сақтандырылатын малдың басы мен түріне байланысты болады.