Ақтөбе облысында өлген мал иелеріне шамамен 216 млн теңге төленді

Су тасқыны кезінде Ақтөбе облысында 3232 бас мал қырылды. Бүгінгі таңда 1202 бас малға 215,7 млн теңге өтемақы төленді. Бұл туралы облыстық ауыл шаруашылығы басқармасынан хабарлады.

Су тасқынының салдарын жою үшін құрылған арнайы комиссия жұмысын жалғастыруда. Өтемақы төлеу Ауыл шаруашылығы министрлігі бекіткен алгоритм бойынша жүргізіледі.

«Ол үшін өлген жануардың ұшасын көрсету керек, малдың құлағында бирка болуы керек. Сондай-ақ, ол ауданның ауыл шаруашылығы деректер қорында тіркелуі тиіс», - деп атап өтті басқармада.

Естеріңізге сала кетейік, Қазақстанда су тасқыны салдарынан 8 мыңнан астам мал қырылғанын растады. Жалпы өлім-жітімнің 70%-ға жуығы ұсақ мал.