Қарағанды облысында бөдене етінің өндірісі ашылды

Қарағанды облысының Бұқар Жырау ауданында бөдене өсіру бойынша құс фермасы ашылды. Бұл туралы өңірлік әкімдіктің баспасөз қызметі хабарлады.

Доскей кентінің кәсіпкері Данияр Татығұлов маринадталған және ысталған бөдене етін өндіруді ашуға шамамен 1 млн 477 мың теңге көлемінде мемлекеттік грант алды.

Ол екі мың жұмыртқа инкубаторын, вакуумдық тығыздағышты, қауырсын кетіретін машинаны, ыстау пеші және мұздатқышты сатып алды. Қазір кәсіпкер бөдене өсіруде.

Әкімдікте атап өткендей, кәсіпкер «Бастау Бизнес» бағдарламасы бойынша оқудан өтіп, «2024-2029 жылдарға арналған еңбек нарығын дамыту тұжырымдамасы» аясында мемлекеттік грант алды. 2024 жылы өңірде 183 грант беруге 270 млн теңгеден астам қаражат бөлінді. Гранттар халықтың әлеуметтік осал топтарындағы адамдарға: көп балалы отбасылардың мүшелеріне, мүгедектігі бар адамдарға, мүгедек балалардың ата-аналарына, АӘК алушыларға бөлінді.