Батыс Қазақстанда 15 мың бас ірі қара малға бордақылау алаңы ашылды

«Терра Ақжайық» ЖШС Батыс Қазақстан облысында қуаттылығы 15 мың бас ірі қара мал бордақылау алаңын іске қосты, бұл туралы ҚР Ауыл шаруашылығы министрлігінің баспасөз қызметі хабарлады.

2024 жылдың қаңтарында «Терра Ақжайық» кешеніне Австралиядан келген сарапшылар келді. Олардың сараптамалық ұсынымдарының негізінде шаруашылықта алаңды кешенді қалпына келтіру және кеңейту бойынша жұмыстар жүргізілді. Бордақылау алаңы қараша айынан бастап шаруа қожалықтарынан бұқашықтарды қабылдайды.

«Жаңа нысанның ашылуы мал шаруашылығын дамытуға және өңірде жұмыс орындарын құруға ықпал ететін болады. Алдағы жылдары инвестор ет өңдеу кешенін іске қосуды жоспарлап отыр», - деп атап өтті Ауыл шаруашылығы министрлігінде.