Қарағанды облысында модульдік ветеринариялық пункт ашылды

Қарағанды облысы Абай ауданы Көксүн ауылында жаңа модульдік ветеринариялық пункт іске қосылды. Ол үй және ауыл шаруашылығы жануарларын диагностикалауға, алдын алуға, вакцинациялауға, емдеуге және жоспарлы тексеруге мүмкіндік беретін заманауи жабдықтармен жабдықталған. Бұл туралы өңірлік әкімдіктің баспасөз қызметі хабарлады.

«Ыңғайлы және заманауи жағдайлары бар осындай пункттерді ашу – өңірдегі мал шаруашылығының өнімділігін арттыру үшін маңызды қадам, сондай-ақ халық үшін жануарлардан алынатын өнімдердің қауіпсіздігіне кепілдік беру. Бұл ветеринарлардың жұмыс жағдайларын жақсарту үшін ғана емес, сонымен қатар тұрғындар мен мал өсірушілер үшін ветеринарлық көмектің қолжетімділігін арттыру үшін қажет. Бұл қызмет көрсету сапасын жақсартады, эпизоотиялық қауіпсіздікті арттырады және мал шаруашылығын дамытуға ықпал етеді», – деді ветпункттің ашылуында облыс әкімінің орынбасары Бауыржан Асанов.

Пункт Қазақстанның агроөнеркәсіптік кешенін дамыту Тұжырымдамасы шеңберінде салынған. Оның ашылуы Ветеринариялық қызметкер күнін мерекелеуге орайластырылған.

Естеріңізге сала кетейік, 2024 жылы Қазақстанда 107 ветеринарлық пункт салынды, ал биыл тағы 323 нысанның құрылысын аяқтау жоспарлануда.