Қазақстан Литвадан мал әкелуге тыйым салды

Қазақстанның Ветеринариялық бақылау және қадағалау комитеті 6 қазаннан бастап Литвадан мал әкелуге уақытша тыйым салды. Шектеу блютанг вирусының таралуына байланысты енгізілді.

Комитеттің мәліметінше, шектеу Литвадан Қазақстанға мынадай тауарларды әкелуге қатысты:

• ірі және ұсақ қара малды;
• блютанг ауруына бейім жабайы, хайуанаттар бағындағы және цирктегі жануарларды;
• түйелерді және түйетұқымдастардың басқа да өкілдерін (ламалар, альпакалар, викуньялар);
• асыл тұқымды бұқалар, қошқарлар мен текелердің ұрығын;
• in vivo әдісімен алынған эмбриондарды қоспағанда, ірі қара және ұсақ малдың эмбриондарын әкелуге.

Сондай-ақ Литвадан Қазақстан аумағы арқылы ірі қара малды, ұсақ малды және ауруға бейім жануарлар түрлерін транзитпен өткізуге уақытша тыйым салынды.