Қазақстан 194 млн долларға ет экспорттады

Қазақстан қаңтар-қыркүйек айларында 80,3 мың тонна барлық түрдегі ет және қосалқы өнімдерді экспорттады. Жеткізілім сомасы 194,3 млн долларға бағаланады. Заттай түрде 2024 жылдың ұқсас кезеңіне экспорттың көлемі 35,7%-ға (59,1 мың тонна болды), ал ақшалай көлемде - 23,9%-ға (156,8 млн доллар) өсті. Бұл туралы Ұлттық статистика бюросы хабарлады.

Ағымдағы жылы Қазақстаннан ең ірі ет сатып алушы Өзбекстан болды, оның үлесіне жалпы экспорттың жартысынан астамы - 137,3 млн доллар сомасына 49,7 мың тонна келеді. Одан кейін Ресей - 24,7 млн долларға 13,7 мың тонна, және Қырғызстан - 15,9 млн долларға 11,4 мың тонна болды.

Жалпы, ТМД елдеріне экспорт 184,4 млн доллар сомасына 78,5 мың тоннаны құрады. Сонымен қатар Қазақстан БАӘ-ге 700 тонна, Грузияға - 500 тонна, Катарға - 300 тонна, сондай-ақ Иран, Қытай және Кувейтке - 100 тонна ет жеткізді.

Экспорттың жалпы көлемінің ішінде жас немесе салқындатылған ІҚМ еті 26 686 тоннаны (98,5 млн доллар) және мұздатылған еті 1 908 тоннаны (3,6 млн доллар) құрады.

Қазақстанға ет импортының көлемі экспорттан асып түседі: 9 айда елге 209,1 млн сомасына 119 мың 273,4 тонна әкелінді. Негізінен құс еті мен оның қосалқы өнімдерін әкелу жалғасуда - 133,2 млн долларға 99,1 мың тонна. Қазақстан сиыр етін жас және салқындатылған түрде шамамен 4,8 мың тонна (21,6 млн доллар) және мұздатылған түрінде 7,3 мың тонна (33,6 млн доллар) импорттады.