Парламент электронды ветеринариялық құжаттар туралы ережені мақұлдады

Парламент Сенатының депутаттары бүгін агроөнеркәсіптік кешенді дамытуға арналған екі заң жобасын қабылдады: «Қазақстан Республикасының кейбір заңнамалық актілеріне ветеринария мәселелері бойынша өзгерістер мен толықтырулар енгізу туралы» және «Қазақстан Республикасының кейбір заңнамалық актілеріне мақта саласы мәселелері бойынша өзгерістер мен толықтырулар енгізу туралы» және «Қазақстан Республикасының мақта саласын дамыту туралы заңының күшін жою туралы».

Ветеринария туралы заңға енгізілген өзгертулер ауыл шаруашылық малдарын тіркеу  үшін мәліметтер базасына   электронды ветеринарлық паспортты енгізуді қарастырады. Бұл құжаттардың берілуін жеңілдетуге, оларды есепке алуға, сондай-ақ мемлекеттік шығындарды айтарлықтай үнемдеуге мүмкіндік береді. Интернет жоқ ауылдардың тұрғындары құжаттарды өздерінің ауылдық округтерінің ветеринарлық инспекторларына хабарласу арқылы ала алады.

Тақырыпқа байланысты оқу: «Фермерлік өнімдердің» қауіптілігі жайлы

Сондай-ақ, аталған заңда мемлекеттік ветеринариялық-санитариялық инспекторлардың фото және видео жабдықтарын қолдануы туралы ереже қарастырылған. Бұл осы саладағы сыбайлас жемқорлық құқық бұзушылықтарды азайтуға көмектеседі деп күтілуде.

Мақта саласы туралы заңнамаға енгізілген өзгерістер саладағы қажетсіз әкімшілік кедергілерді алып тастайды. Атап айтқанда, мақта өсірудегі қолхат мәселесі реттелуде. Қолданыстағы заң мақта саласын шектен тыс қадағалайды, нәтижесінде мақта өсіруге шетелдік инвестициялардың келуі азайды, ал оны несиелеу іс жүзінде құлдырады.