Алматы облысында құны $40 млн болатын сүт фермасы іске қосылады

2021 жылы Алматы облысының Панфилов ауданында құны $40 млн асатын сүт фермасының құрылысы басталады, деп хабарлады облыс әкімінің баспасөз қызметі.

Аталған жоба үш кезеңде жүзеге асырылады, ферма толықтай 2023 жылы іске қосылады. 2021-2022 жылдар аралығында «AL SUT» ЖШС 1 200 бас ірі қара сатып алуды жоспарлап отыр. Инвестиция көлемі $30 млн. құрайды, одан кейін 1 200 бас ірі қара сатып алу үшін тағы $10 млн қаражат алу жоспарлануда.

Сүт фермасы іске қосылған кезде 100 адамға дейін жұмыс орны ашылады, ал 150- жұмысшы жем өндірісінде жұмыспен қамтылады.

Бұған дейін Панфилов ауданында құны 2,5 млрд теңгені құрайтын «Көктал Агро» ЖШС-нің сүт фермасы пайдалануға берілген болатын. Қазір фермада 110 сауын сиыр ұсталуда. Ферма күн сайын Талдықорғандағы «JLC сүт» ЖШС-на 2 600 литр сүт сатады. Бұл ферманы одан әрі үлкейту үшін Австриядан сүт бағытындағы 189 бас асыл тұқымды ірі қара мал сатып алынды, қазір сиырлар карантинде бақылауда тұр.

Тақырыпқа байланысты оқу: Қазақстанда бір жыл ішінде 98 мың тонна сүт өндіретін 48 сүт фермасы іске қосылды

Облыс әкімдігі атап өткендей, 2020 жылдың соңына қарай Алматы облысында асыл тұқымды мал мен құс өсірудің үлесі 25%-ға  жетті. Өткен жылы облыста 10 мың бас  малға арналған 13 жаңа мал шаруашылығы ашылған  болатын. Барлығы 192 нысан жұмыс істейді, оның ішінде 110 мал бордақылау оны және 82 сүт фермасы бар.

2020 жылдың аяғындағы есеп бойынша, Алматы облысында ауыл шаруашылығының жалпы өнімі 918 млрд теңгеге жетті.