Арқалықта 5 мың бас ІҚМ арналған бордақылау алаңы іске қосылды

Қостанай облысында "Арқалық Айдар" ЖШС мал шаруашылығы кешені іске қосылды. Аталған нысанды "Торғай Ет" ЖШС ет өңдеу кешені шикізатпен қамтамасыз етеді деп жоспарлануда. Бұл туралы облыс әкімінің баспасөз қызметі хабарлады.

Мал шаруашылығы кешеніне қуаты бір мезгілде 5 мың ІҚМ басын ұстайтын бордақылау алаңы, сондай-ақ 2,5 мың басқа арналған асыл тұқымды репродуктор кіреді. Жобаның жалпы құны 2,7 млрд теңгені құрады. Кәсіпорында 40 жұмыс орны ашылды.

Тақырып бойынша оқу: Қостанай облысында құны 900 млн теңге болатын ет комбинаты іске қосылды

Сонымен қатар, Тәуелсіздік күні қарсаңында Арқалықта бір мезгілде 20 мың тонна астық сақтайтын элеватор іске қосылды. Жобаның құны 1,3 млрд теңгеден асты.

Сондай-ақ, қалада өңдеу қуаты сағатына 20 тонна құрама жем зауыты және жылына 13,2 мың тонна өнім ұсынылды. Жобаға 545,6 млн теңге инвестиция салынды.

"Соңғы 30 жыл ішінде Арқалықта халықтың әл-ауқатын жақсартуға бағытталған көптеген жаңа нысандар ашылып, іске қосылды. ҚР Тәуелсіздігінің 30 жылдығын мерекелеу қарсаңында нысандардың ашылуы Арқалыққа жаңа серпін беріп, өңірдің әлеуметтік-экономикалық дамуын жақсартады", - деп атап өтті Қостанай облысының әкімі Архимед Мұхамбетов қалаға сапары барысында.