Қостанайда мал шаруашылығы 7,5 млрд теңгеге субсидияланады

Қостанай облысы әкімдігінің 2022 жылғы 16 наурыздағы №118 қаулысымен асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау бағыттары бойынша 2022 жылға субсидиялар көлемдері бекітілді. Бұл туралы ElDala.kz әкімнің қаулысына сілтеме жасай отырып хабарлайды.

Атап айтқанда, 2022 жылға етті және етті-сүтті мал шаруашылығына 3,2 млрд теңгеден астам, сүтті және сүтті-етті мал шаруашылығына 3,223 млрд теңгеден астам қаражат бөлінді.

Етті құс шаруашылығына 608 млн теңгеден астам, жұмыртқа бағытындағы құс шаруашылығына 75 млн теңге субсидия бөлінген.

Тақырып бойынша оқу: Ауыл шаруашылығы министрлігі несиелер бойынша мөлшерлемелерді субсидиялауды өзгертеді

Қой шаруашылығына - 87,5 млн теңге, жылқы шаруашылығына - 5 млн теңге, шошқа шаруашылығына - 268 млн теңге қарастырылған.

Естеріңізге сала кетейік, Қазақстанда АӨК мемлекеттік қолдау жүйесін ағымдағы жылы өзгертпеу туралы шешім қабылданды.