Шығыс Қазақстанда ІҚМ арасында бруцеллез анықталды

Шығыс Қазақстан облысында Жамбыл ауылдық округінің Берел ауылында және "Еркебұлан" шаруа қожалығында ірі қара малдың бруцеллезі анықталуына байланысты шектеу іс-шаралары енгізілуде. Шектеулер ауылдық округ әкімінің шешімімен енгізілуде.

Ветеринариялық бақылау және қадағалау комитетінің аумақтық инспекциясының қорытындысына сәйкес, Берел ауылы мен "Еркебұлан" ШҚ-да ІҚМ бруцеллезіне серологиялық зерттеулер барысында 33 оң нәтиже берген жануарлар анықталды. Республикалық ветеринариялық зертхананың облыстық филиалының ПТР әдісімен жүргізілген зерттеу нәтижелері бойынша бруцеллездің қоздырғышы табылды.

Бұған дейін Ақтөбе облысы Әйтеке би ауданы Жабасақ ауылдық округінің Аққұм ауылында бруцеллез анықталған болатын.