Павлодар облысында инфекциялық ринотрахеит анықталды

Ірі қара мал арасында инфекциялық ринотрахеит және вирустық диарея ауруының анықталуына байланысты Павлодар облысының Жетекші ауылының аумағында шектеу іс-шаралары белгіленді. Бұл туралы Павлодар қаласының Бас мемлекеттік ветеринариялық-санитариялық инспекторы шешімінің жобасында айтылған.

Бұдан басқа, бруцеллездің анықталуына байланысты Шардара ауданының Қалпақсай ауылында, Түркістан облысы Жетісай ауданының Атамекен ауылдық округінде және Ақмола облысы Атбасар ауданының Полтавка ауылдық округінің Титовка ауылының аумағында шектеу іс-шаралары белгіленуде.

Бұған дейін хабарланғандай, Қазақстанда жыл басынан бері жануарлардың ауруы бойынша қолайсыз 177 пункт тіркелген. Оның ішінде аса қауіпті жұқпалы аурулар бойынша 91 пункт, сондай-ақ бруцеллез бойынша 86 пункт бар.