Қазақстанға шұжық импорты бір жылда 22% - ға өсті

Қазақстан 2021 жылы шұжықтар мен еттен жасалған өнімдерді, ет консервілері мен субөнімдерді әкелуді ұлғайтты. Сонымен қатар, бұл өнімнің экспорты айтарлықтай төмендеді. Бұған Ұлттық статистика бюросының мәліметтері дәлел.

2021 жылы Қазақстанға жалпы сомасы $109,4 млн. құрайтын 46,9 мың тонна шұжық әкелінді. Бір жыл бұрын ҚР-ға $79,1 млн құны 38,4 мың тонна шұжық пен еттен жасалған өнімдер импортталды. Жыл ішіндегі өсім заттай көріністе 22,4% - ды құрады.

Бұл ретте 2021 жылы шұжықтардың экспорты $364,3 мың сомаға 115,9 тоннаны құрады, ал 2020 жылы $701,8 мың сомаға 193 тонна шетелге жөнелтілді. Заттай көріністегі төмендеу-39,9%.

Статистикалық мәліметтерге сәйкес, өткен жылы Қазақстан $1,9 млн (2020 жылы – $3,3 млн) сомаға 514,1 тонна консервіленген ет өнімдерін (2020 жылы - 1,3 мың тонна) экспорттады. Осы кезеңде $39,5 млн ($30 млн) сомаға 18,5 мың тонна (2020 жылы – 14,6 мың тонна) әкелінді.

2021 жылы Қазақстан $83,1 млн сомасына 36,2 мың тонна ет және ет өнімдерін экспорттады. Жалпы сомасы $411,5 млн-ға 266 мың тонна импортталды. Бір жыл бұрын ет және ет өнімдерінің экспорты $63,8 млн – ға 28,1 мың тоннаны, ал импорт - $374,6 млн-ға 271,6 мың тоннаны құрады.

Айта кетейік, Қазақстанның мал өсірушілері тірі малды экспорттауға рұқсат сұрайды. Сонымен қатар, 2021 жылы бордақылау алаңдарының жүктемесі ел бойынша орташа есеппен 46% - ды құрады. ҚР-да етті терең өңдеуді дамыту қажет, мұны шұжықтар мен еттен жасалатын басқа да өнімдерді әкелу және әкету жөніндегі деректер растайды.