Қазақстанға құрғақ және шуақты ауа райы оралды

Синоптиктер Қазақстанда қоңыр күздің басталғанын хабарлады.

"Қазақстанның басым бөлігінде құрғақ және шуақты ауа райы орнады. Түнгі сағат әлі де салқын болғанымен, күн біртіндеп ауаны жылытып, күндізгі сағат Қазақстан бойынша термометр 23-30 градусқа дейін көтеріледі", - деп хабарлайды Қазгидромет.

Сонымен қатар, батыс және оңтүстік-шығыс өңірлерде тұрақсыз ауа райы күтіледі, мұнда күн күркіреп, өткінші жаңбыр жауады.

Бұдан бұрын хабарланғандай, қыркүйектің бірінші онкүндігінде негізінен жаздық дәнді дақылдар егістіктерінің пісуі үшін қолайлы жағдайлар қалыптасты, алайда Қазақстанның негізгі астық егетін аймағының басым аумағында жауын-шашынның түсуі байқалды, бұл егін жинау жұмыстарының қарқынын төмендетті.