Үкімет ауыл шаруашылығы министрлігіне 5 млрд теңге бөледі

Қазақстан үкіметі Абай, Жетісу, Ұлытау және Алматы облыстарында азық-түлік тауарларының өңірлік тұрақтандыру қорын құру және қолдау мақсатында ауыл шаруашылығы министрлігіне 5 млрд теңге бөледі. Бұл туралы ElDala.kz Ашық НҚА порталында жарияланған қаулы жобасына сілтеме жасай отырып хабарлайды.

"Қазақстан Республикасының Ауыл шаруашылығы министрлігіне 2022 жылға арналған республикалық бюджетте көзделген Қазақстан Республикасы үкіметінің резервінен 5 млрд теңге сомасында қаражат бөлінсін", - делінген қаулыда.

Оның ішінде Абай, Алматы, Жетісу және Ұлытау облыстарының әкімдіктеріне өңірлік тұрақтандыру қорларын қалыптастыруға берілетін ағымдағы нысаналы трансферттер түрінде 5 млрд теңге аудару жоспарланып отыр.

"Жобаны іске асыру Абай, Жетісу, Ұлытау облыстарының, сондай-ақ Алматы облысының бюджет қаражаты шеңберінде жүзеге асырылатын болады және республикалық бюджеттен қаржылық шығындарға әкеп соқпайды", - деп түсіндіріледі құжатта.

Өңірлердің әкімдіктеріне Ауыл шаруашылығы министрлігіне 2022 жылғы 15 желтоқсанға дейінгі мерзімде ағымдағы нысаналы трансферттер бойынша бөлінген қаражатты нысаналы пайдалану жөніндегі есептерді ұсыну тапсырылды.

Қаулы қол қойылған күнінен бастап қолданысқа енгізіледі.