Қазақстан ЕАЭО-да ауыл шаруашылығы өндірісінің өсуі бойынша көшбасшылар қатарында

2022 жылғы қаңтар – қарашада барлық санаттағы шаруашылықтарда Еуразиялық экономикалық одақта ауыл шаруашылығы өнімінің өндірісі 154,8 млрд долларды құрады және 2021 жылғы қаңтар – қарашамен салыстырғанда 5,1% - ға өсті. Өсім Қазақстанда – 8,5% -ға, Қырғызстанда – 6,4% -ға, Ресейде – 4,7%-ға, Беларуссияда -3,5%-ға, Арменияда -0,5%-ға байқалды. Бұл туралы ElDala.kz ЕЭК баспасөз қызметіне сілтеме жасай отырып хабарлайды.

Оң динамика өнімділіктің өсуіне байланысты негізгі ауыл шаруашылығы дақылдарын, ең алдымен дәнді және бұршақты дақылдарды жинаудың артуымен байланысты екендігі атап өтілді. Сондай-ақ мал шаруашылығы өнімдерінің негізгі түрлерінің өндірісі ұлғайды.

Жедел деректерге сүйенсек, 2022 жылы Арменияда астық бір жыл бұрынғыға қарағанда 57,6%-ға, Қырғызстанда – 36,4%-ға, Ресейде -24,6%-ға, Беларусьте -22,8%-ға (ағымдағы жылғы 1 қарашадағы жағдай бойынша жүгерісіз) жиналған.

2022 жылғы қаңтар – қарашада ЕАЭО-да мал шаруашылығы өнімдерінің негізгі түрлерінің: союға арналған мал мен құс өнімдерінің (тірі салмақта) өндірісі 2021 жылғы қаңтар – қарашамен салыстырғанда 2,5%-ға (18 219,5 мың тонна), сүт – 1,3%-ға (45 662,5 мың тонна), жұмыртқа -2,6% -ға ұлғайды (51 294,7 млн дана).

Есепті кезеңде мал мен құсты союға (тірі салмақта) өндіру көлемінің өсуі 2021 жылдың ұқсас кезеңімен салыстырғанда Ресейде – 3,4%-ға (өндірілген 14 379,9 мың тонна), Қырғызстанда – 2,8%-ға (398,2 мың тонна) және Қазақстанда -0,7%-ға (1843,5 мың тонна) байқалды.

ЕАЭО-ға мүше мемлекеттер бойынша сүт өндіру көлемінің ұлғаюы 0,6%-дан 2,1%-ға дейін құрады. Қазақстанда өсім 2,1% (өндірілген 5939,1 мың тонна), Қырғызстанда – 2% (1614,8 мың тонна), Ресейде 1,5% (30 348,3 мың тонна) құрады.

Жұмыртқа өндірісінің максималды өсуі Қырғызстанда – 8,3% – ға (567,4 млн дана өндірілді), Қазақстанда өсім 4,9% - (4623,3 млн дана), Ресейде -2,5% (42 301,4 млн дана) құрады.