Қарабалық АШТС бидайдың орташа өнімділігі гектардан 22,1 ц құрады

Бүгінгі таңда Қарабалық АШТС-да егін жинау жұмыстары 80%-ға аяқталды. Алдағы екі апта ішінде қалған егінді жинау жоспарлануда. Станциядағы дәнді дақылдардың орташа өнімділігі гектардан 22,1 центнерді құрады. Бұл туралы Ұлттық аграрлық ғылыми-білім беру орталығының (ҰАҒБО) баспасөз қызметі хабарлады.

«Ауа-райының қолайсыздығына қарамастан, егіннің негізгі көлемі жиналып, сақтауға дайын. Маусым қорытындысы бойынша станциядағы дәнді дақылдардың орташа өнімділігі гектарына 22,1 центнерді құрады. Өнімділік сұрыптарға байланысты өзгерді: «Айна» сұрыпының жаздық жұмсақ бидайы гектардан 21,4 ц, «Фантазия» - 24,2 ц, «Қазақстандық ерте пісетін» - 18,3 ц, ал «Ламис» - 25,8 ц берді. Жаңа сұрыптар, «Айгүл» гектардан 27,8 ц, ал «Кудесница» гектардан 29,9 ц өнімділікті көрсетті», - деп атап өтті ҰАҒБО.

«Асанғали 20» жаздық қатты бидайдың орташа өнімділігі гектардан 24,7 ц құрады.

Жаздық арпа мынадай нәтижелерді көрсетеді: «Великан» гектардан 23,9 ц, «Медикум» гектардан 18-26,1 ц, ал көп қатарлы «Қайрат» арпасының жаңа сұрыпы гектардан 31,2 ц. «Сұлу» сұлысының өнімділігі гектардан 27,9 ц құрады.

Орталықта мәжбүрлі кептіруді қолданбай астықтың қажетті ылғалдылығына қол жеткізу үшін егіс алқабының едәуір бөлігі екі фазалы әдіспен жиналғанын атап өтті.

Естеріңізге сала кетейік, қыркүйек айында Қарабалық АШТС Қазақстанның фермерлеріне жұмсақ жаздық бидайдың екі жаңа сұрыпын - «Айгүл» және «Кудесница» ұсынды.