Алматы әкімдігі үй жанында орналасатын 7-Eleven түріндегі дүкендер желісіне қолдау көрсетеді

Алматы қаласында Froot дүкендерінің желісі құрылды деп күтілуде. Қала билігі бұл бөлшек сауданы дамытудың жақсы тәжірибесі болады және экономиканың осы секторында ашықтықты қалыптастырады деп жоспарлауда. Бұл туралы мегаполис әкімдігінің баспасөз қызметі мәлімдеді.

Әкімдіктің хабарлауынша, жаңа үлгідегі Froot дүкендерінің желісінде азық-түлік бағасы қарапайым дүкендердегіден 10-15%-ға арзан болады. Түрлі ассортименттен бастап тауарлардың қол жетімділігіне дейінгі барлық процестер, сондай-ақ қолма-қол ақша және есепке алу ақылды жүйемен басқарылады. Осындай дүкеннің қызметі ашық жүргізіледі: бюджетке тиісті салықтар мен алымдар түседі, ал қызметкерлер ресми жұмыспен қамтылып,  лайықты жалақы алады.

Алматы қаласының әкімі Бақытжан Сағынтаев желі жұмысымен танысты. Ол сауданың қарқынды дамуы үшін экономиканың бұл саласын көлеңкеден алып тастау қажет екенін атап өтті.

«Сауданы дамыту үшін қолайлы жағдай жасау мақсатында супермаркеттерге, онлайн-саудаға және заманауи дүкендерге қолдау көрсету қажет», - деп жазды Б.Сағынтаев өзінің Instagram-дағы парақшасында.

Қала әкімінің айтуы бойынша, әлемдік үлгідегі 7-Eleven құрған Froot желісі сияқты жергілікті франчайзингті қолдана отырып, үй жанында болатын типтік дүкен жобаларын ашуға қажетті қолдау көрсетіледі.

«Сапалы тамақ өнімдерімен автоматтандырылған және локализацияланған сауда жобасының негізгі мақсаты- бұл бизнестің ашықтығы, салық түсімдері және ресми жұмыс орындарын құру», - деп атап өтті Алматы әкімі.

Еске салайық, Есеп комитетінің басшысы Наталья Годунова бұған дейін қазақстандықтар табысының  жартысын азық-түлікке жұмсайтынын мәлімдеген болатын.