АШМ gosagro.kz жүйесіндегі іркілістер кезінде субсидиялау мәселесін түсіндірді
Ауыл шаруашылығы министрлігі несиелеу кезінде сыйақы мөлшерлемелерін субсидиялау, сондай-ақ ауыл шаруашылығы жануарларын, техника мен жабдықтарды сатып алуға арналған лизинг туралы келіп түскен сұрақтарға түсініктеме берді. Фермерлердің алаңдаушылығы жұмысты 1 ақпаннан бастаған АӨК субсидиялаудың бірыңғай мемлекеттік ақпараттық жүйесіндегі (gosagro.kz) іркілістерге байланысты.
Ведомствоның мәліметінше, несие және лизинг бойынша сыйақы мөлшерлемелерін субсидиялау бағдарламасы екі негізгі бағыт бойынша іске асырылады:
- субсидиялар төлеу болашақ кезеңге аванстық төлеммен өтеу кестелеріне сәйкес жүргізілетін (мысалы, ақпан айында субсидиялар қаражаты наурыз айына өтеуге жіберіледі) өткен жылдары бағдарламаға енгізілген АӨК субъектілерінің қарыз шарттары бойынша бұрын қабылданған міндеттемелерді субсидиялау;
- субсидиялау бағдарламасына әлі енбеген және ауыл шаруашылығы басқармасы мақұлдағаннан кейін енгізілуі мүмкін жаңа қарыз шарттары бойынша субсидияларды төлеу.
Осылайша, қаржы институттары қағидалардың талаптарына сәйкес субсидияларды төлеу үшін ауыл шаруашылығы басқармаларына тиісті өтінімдер жібереді.
Сондай-ақ, АШМ 1 ақпанда gosagro.kz порталында өтінімдерді қабылдау басталғанын атап өтті. Қазіргі уақытта қаржы институттарының және процестің басқа да қатысушыларының (оның ішінде жүйеге кіруді ұсыну бойынша) ескертулерін ескере отырып, платформаның функционалын пысықтау бойынша жұмыс жедел түрде жалғасуда, пайдаланушыларға ыңғайлы сервисті ұсыну үшін барлық күш-жігер жұмсалуда.
"Тіпті gosagro.kz порталындағы техникалық ақауларды ескере отырып, ешкім субсидиялау ережелерін жойған жоқ, демек, мемлекет тарапынан пайыздық мөлшерлеменің бір бөлігін өтеу регламентке сәйкес жүзеге асырылады және әрбір фермер шарттарда белгіленген соманы алады", - деді Ауыл шаруашылығы министрлігі.
Сонымен қатар, қарыз шарты бойынша төлем күні басталған және ауыл шаруашылығы басқармасынан қаржы институтының арнайы банктік шотында қаражат болмаған жағдайда, қарыз алушы сыйақының толық мөлшерлемесін өз қаражаты есебінен төлейді. Бұл туралы қаржы институты көрсетілетін қызметті алушыны төлем күні басталғанға дейін кемінде 5 жұмыс күні бұрын хабардар етеді.
Аванстық төлемнің қолданыстағы тетігін ескере отырып, ағымдағы жылдың қаңтар айындағы субсидияларды төлеуді ауыл шаруашылығы басқармалары 2022 жылғы желтоқсанда жүргізді.
Субсидиялау қағидаларына сәйкес, бюджет қаражаты уәкілетті органның шоттарына түскеннен кейін бірден фермерге сыйақы мөлшерлемесінің субсидияланатын бөлігі толық көлемде өтеледі және қаражат қаржы институтына аударылады, ол оларды 10 жұмыс күні ішінде фермердің есеп шотына қайта жібереді.
Тақырып бойынша оқу: Ауыл шаруашылығы министрлігі субсидиялау бағдарламасындағы өзгерістер туралы айтты
Субсидиялау бағдарламасына жаңа қарыз шарттарын енгізу процесіне келетін болсақ, бұл жағдайда фермер субсидиялардың қосымша шығындарын немесе жоғалымдарын да көтермейді, өйткені бағдарламаға енгізілгенге дейін төрт жылдан ерте емес жасалған қолданыстағы қарыз шарттары бойынша субсидияларды есептеу ұсыныс берілген жылдың 1 қаңтарынан басталады. Ұсыныс берілген жылы жасалған қарыз шарттары бойынша есептеу несие берілген немесе лизинг нысанасын берген сәттен бастап жүргізіледі.
"Мысалы, фермер өзінің 2022 жылы жасалған жаңа қарыз шарты бойынша ағымдағы жылдың кез келген айында субсидия алуға өтініш бере алады делік. Бұл ретте, мақұлданған жағдайда, субсидиялар осы жылдың 1 қаңтарынан бастап есептелетін болады", - деп түсіндірді Ауыл шаруашылығы министрлігі.
2023 жылғы қаңтар мен ақпанда жасалған және ағымдағы жылы субсидиялауға берілген қарыздар шарттары бойынша субсидиялау фермердің өтініш берген күніне қарамастан несие берілген немесе лизинг нысанасын берген сәттен бастап жүзеге асырылатын болады.