Дайрабаев пен Айтуғанов Мәжіліске кандидаттар ретінде ұсынылды

"Ауыл" партиясы кезектен тыс съезде сайлауалды бағдарламаны қабылдап, партиялық тізім бойынша және бір мандатты округтер бойынша Мәжіліс депутаттығына кандидаттарды ұсынды. Тізімге Қазақстан фермерлер одағының басшысы Жигули Дайрабаев пен жақында Сейфуллин атындағы Қазақ агротехникалық университетінің басқарма төрағасы болған Қайрат Айтуғанов кірді.

Жигули Дайрабаев қазіргі уақытта "Атамекен" Ұлттық кәсіпкерлер палатасында АӨК комитетінің төрағасы болып табылады.

Қайрат Айтуғанов бұған дейін "ҚазАгро" холдингі басқарма төрағасының орынбасары қызметін атқарған. 2016 жылдың шілдесінен 2018 жылдың қаңтарына дейін ҚР Ауыл шаруашылығының бірінші вице-министрі болды.

Сонымен қатар, "Ауыл" партиясының партиялық тізіміне Қарақат Әбден, София Абдуразақова, Николай Арсютин, Әскер Ахметжанов, Анас Баққожаев, Анна Данченко, Ілияс Досқожаев, Серік Егізбаев, Аян Зейнуллин, Әлібек Қантай, Дәулеткерей Қастауов, Болатбек Қыстауов, Алмас Мұхаметов, Светлана Прокопьева, Дәурен Рахымбек, Тамила Розметова, Айдар Сатаров, Ерболат Саурықов, Қуаныш Сейтжанов, Таңсәуле Серіков, Рабиға Тоқсеитова, Айбын Төреханов, Жандос Тұрсынғалиев енді.

Бір мандатты сайлау округтері бойынша тізімге: Самат Ескендіров, Нартай Ермаков, Ербол Көбентай, Берікжан Қайыпбай, Ербол Әбдіраймов, Нұркен Қаржаубаев, Нұртас Байжанов, Ермек Байтуғанов кіреді.

Естеріңізге сала кетейік, Парламент мәжілісі мен мәслихаттар депутаттарын сайлау 19 наурызда өтеді.