Апта басталғанда солтүстікте күн салқын болып, жаңбыр жауады, ал оңтүстікте күн ыстық болады

23-25 ​​маусымға дейін Қазақстанның солтүстігінде және орталығында күн салқын, ал оңтүстігінде күн ыстық болады. Бұл туралы «Қазгидромет» хабарлады.

«Салқын атмосфералық фронт әсерінен Қазақстанның солтүстік жартысында күн күркіреп, жаңбыр жауады, ауа температурасы түнде 5-10 градус, ал күндіз 22-27 градус жылы болады», - дейді синоптиктер.

Сонымен бірге республиканың оңтүстігінде ыстық ауа-райы сақталады, бірақ аталған өңірде  қысқа мерзімді жаңбыр жауып, найзағай жарқырайды.

Қазгидромет мәліметі бойынша, 23 маусымда кейбір аймақтарда дауыл тұрады. Атап айтсақ, Нұр-Сұлтан мен Ақмола облысының кей жерлерінде найзағай ойнап, солтүстік-шығыстан соққан желдің екпіні секундына 15-20 метр болады. Сонымен бірге аймақтың көп бөлігінде төтенше өрт қауіпі сақталады.

Сондай-ақ, Қызылорда облысында солтүстік-батыстан соққан жел, секундына 15-20 метрге дейін жетеді.

Маңғыстау облысында күндіз ауа температурасы 39 градусқа болады деп болжануда.

Таңертең және күндіз Түркістан облысының кей жерлерінде найзағай ойнап, солтүстік-батыстан секундына 15-20 метрге жететіндей жел тұрады.

23-24 маусымда Солтүстік Қазақстан облысының кей жерлерінде найзағай жарқылдап, солтүстіктен ескен жел 15-20 метр жылдамдықпен оңтүстік-батысқа ауысады.