Сингапурлық компания Жамбыл облысында тыңайтқыштар өндірісін іске қосады

Сингапурлық Endorama Corporation Pte компаниясы Жамбыл облысында құрамында фосфор бар тыңайтқыштар шығаратын зауыт салуға ниетті. Бұл туралы ElDala.kz өңір әкімдігінің баспасөз қызметіне сілтеме жасай отырып хабарлайды.

Қазақстан-Сингапур бизнес-форумы аясында Жамбыл облысының әкімі Нұржан Нұржігітов пен Indorama Corporation Pte компаниясының өкілі өзара ынтымақтастық туралы Меморандумға қол қойды.

"Компания облыс аумағында құрамында фосфор бар тыңайтқыштар шығаратын зауыт салу жобасын іске асыруды жоспарлап отыр. Жобаның құны - 250 млн доллар. Жобалық қуаты -150 мың тонна түйіршікті суперфосфат. Жоба аясында 800 жұмыс орны ашылады",-деп нақтылады баспасөз қызметі. 

Тақырып бойынша оқу: Қазақстанда фосфор тыңайтқыштарының өндірісі 113% - ға өсті

Іndoram компаниясының әлемнің 37 елінде 150-ден астам өндірістік алаңы бар, оның ішінде 8 елде 10 тыңайтқыш зауыты бар.