Украина Қазақстаннан импортқа тыңайтқыштар алады

Украина Қазақстаннан әкелінген  тыңайтқыштарды тексеріп-бақылау жүргізу шараларын  аяқтады. Бұл туралы ҚР Сауда және интеграция министрлігінің баспасөз қызметінен хабарлады.

Украиналық нарыққа қазақстандық «Қазфосфат» ЖШС және «КазАзот» АҚ компаниялары  тыңайтқыштар сатады. Қазақстанның Украинаға шығаратын минералды тыңайтқыштарының жылдық орташа экспорты 110 мың тоннаны құрайды, шамамен 41 млн.долар болып саналады.

Мұндай табысты нарықтың жабылуы отандық кәсіпорындарға теріс әсерін тигізуі  мүмкін еді», - деп хабарлады департаменттен.

Баспасөз қызметі аталған елдің қорғануға байланысты тергеулерінің барлық кезеңінде Қазақстанның Сауда және интеграция министрлігі Украинаның уәкілетті органымен тығыз байланыста жұмыс жасап, қазақстандық зауыттардың мүдделерін қорғады.

Сондай-ақ, Қазақстан Сауда министрлігінің бастамасы бойынша қазақстандық тыңайтқыштарға квота беру немесе қазақстандық тауарларға қарсы шара қолдану мәселелерін қарастырып отырды. Сонымен бірге, қазақстандық тарап Украинаның уәкілетті органының шешіміне сотта шағымдану мүмкіндігін жоққа шығарған жоқ.

«Алайда, келтірілген дәйектер келтіріліп, украин өнеркәсібіндегі жағдай күшіне еніп, нәтижесінде қорғаныс шаралары қабылданбады. Қазақстандық компаниялар  бұдан әрі өнімдерін  сатып, нарықтағы экспорттау жұмыстарын жалғастыра алады», - деп түйіндеді баспасөз қызметі.

Еске салсақ, Қазақстанда пестицидтерді өндіру  биылғы 4 айда 2,2 есеге, яғни  2,3-тен 5,1 млрд теңгеге дейін өсті. Азот тыңайтқыштарын өндіру 118,7-ден 149,4 мың тоннаға дейін, фосфор 55,6-дан 64,2 мың тоннаға дейін артты.