Құрық портындағы жаңа терминалдан астық жөнелту қыркүйек айында басталады

Астықтың бірінші партиясын ағымдағы жылдың қыркүйек айында Құрық портындағы жаңа астық терминалынан жөнелту жоспарлануда. Бұл туралы Индустрия және инфрақұрылымдық даму министрлігінің баспасөз қызметі хабарлады.

Терминал құрылысын Abu Dhabi Ports Group қатысуымен қазақстандық Semurg Invest компаниясы жүргізеді.

ИДМБ мәліметтері бойынша, 2023 жылғы қаңтар-тамызда Ақтау және Құрық теңіз порттары арқылы жіберілетін жүк көлемі 12% - ға өсті. Бұл ретте Транскаспий көлік бағыты бойынша тасымалданатын жүк көлемі 80% - ға ұлғайды.

Бұған дейін ИИДМ Құрық портындағы "Саржа" көпфункционалды теңіз терминалын салу жобасы ҚР-ның 2030 жылға дейінгі көліктік-логистикалық әлеуетін дамыту Тұжырымдамасына енгізілгенін және орта дәлізді дамытуда және экспорттық бағыттарды әртараптандыруда маңызды рөл атқаратынын хабарлаған болатын. Жобаға астық терминалы, әмбебап жүк терминалы, құю жүк терминалы, жалпы жүк терминалы, сондай-ақ көлік-логистикалық орталық кіреді. Терминалдың жалпы жоспарланған ауыстыру қуаты жылына 10 млн тоннаны құрайды.