СҚО-да тұқым шаруашылығын субсидиялауға өтінімдер қабылдануда

Солтүстік Қазақстан облысында 19 наурыздан бастап тұқым шаруашылығын дамытуды субсидиялауға өтінімдер қабылдау басталды. Бұл туралы әкімдіктің ауыл шаруашылығы және жер қатынастары басқармасының баспасөз қызметіне сілтеме жасай отырып, ElDala.kz хабарлады.

«Gosagro порталы арқылы өтініш беруге болады. Осы мемлекеттік қызмет және субсидияларды төлеу шарттары туралы толығырақ ақпаратты «Өсімдік шаруашылығы өнімінің өнімділігі мен сапасын арттыруды субсидиялау қағидаларында» табуға болады», - деп хабарлады ведомствода.

СҚО ауыл шаруашылығы және жер қатынастары басқармасының деректері бойынша ағымдағы жылы аграрийлердің жоғары сапалы тұқым сатып алу шығындарын субсидиялауға жергілікті бюджеттен 1,8 млрд теңге бөлінді. Соңғы бес жылда өңірде сұрыпты жаңарту 1,3%-ға өсті. 2023 жылы бұл көрсеткіш 9,5% құрады.

Ағымдағы жылы сұрыпты жаңарту көрсеткішін 10%-ға дейін жеткізу жоспарлануда. Осы көрсеткішке қол жеткізу үшін облыстың ауыл шаруашылығы құрылымдарына 48 мың тонна элиталық тұқым сатып алу қажет.

Зертханалардың деректері бойынша наурыз айының басында толық егіс талдауына 295,2 мың тонна дәнді және дәнді-бұршақты дақылдар тұқымы түсті. 2023 жылы облыстың аттестатталған тұқым шаруашылығы 68,4 мың тонна тұқым өндірді.