ҚТЖ-ЖТ МТЖ қызметтерінің құнын арттырды

«ҚТЖ-Жүк тасымалы» компаниясы 4 маусымнан бастап республикаішілік, экспорттық, импорттық және транзиттік қатынастарда жүктерді және бос вагондарды тасымалдау кезінде магистральдық теміржол желісі (МТЖ) қызметтерінің құнын арттырды. Бұл туралы «Қазтеміртранс» хабарлады.

Сонымен қатар, «Қазтеміртранс» 4 маусымнан бастап МТЖ қызметтерінің құнын арттыру айырмашылығына республикаішілік қатынаста вагондар операторының қызметтеріне жаңартылған прейскурантты қолданысқа енгізеді.

Естеріңізге сала кетейік, осы жылдың мамыр айында ҚР Көлік министрлігі темір жол көлігін дамытудың 2029 жылға дейінгі бағдарламасының жобасын талқылауға шығарды. Магистральдық теміржол желісінің (МТЖ) операторын құра отырып, «Қазақстан темір жолы» қайта құрылымдауды жүргізу жоспарлануда. Бұл оператор «ҚТЖ-Жүк тасымалы» компаниясының иелену қатынастарымен байланысты емес дербес заңды тұлғаға шығарылатын болады.