ҚТЖ-ЖТ магистральдық теміржол желісінің операторы қызметінен айырылады

Фото көзі: ElDala.kz

ҚР Көлік министрлігі темір жол көлігін дамытудың 2029 жылға дейінгі бағдарламасының жобасын талқылауға шығарды. Магистральдық теміржол желісінің операторын (МТЖО) құра отырып, «Қазақстан темір жолы» қайта құрылымдауды жүргізу жоспарлануда. Бұл оператор «ҚТЖ – Жүк тасымалы» компаниясының иелену қатынастарымен байланысты емес дербес заңды тұлғаға шығарылатын болады.

«Салада ұлттық жүк тасымалдаушысы, ұлттық жолаушылар тасымалдаушысы және тәуелсіз тасымалдаушылар жұмыс істейтін болады. Ұлттық тасымалдаушылар (жүк және жолаушы) «Қазақстан темір жолы» ҰК» АҚ холдингтік құрылымының құрамына МТЖО оператор – компаниясымен қатар кіретін болады», - делінген құжатта.

Тасымалдауды басқару (поездарды ұйымдастыру және жылжымалы құрамды басқару) жөніндегі қызметті «ҚТЖ-ЖТ» және басқа тасымалдаушыларға, ал трафикті басқару (поездарды магистральдық теміржол желісі бойынша өткізу) жөніндегі қызметті МТЖО-ға беру жоспарлануда.

2025 жылдың екінші тоқсанында МТЖО дербес заңды тұлғаға бөлу арқылы ҚТЖ-ны қайта құрылымдау жоспарлануда. Осы кезеңде теміржол көлігі туралы Заңға өзгерістер енгізу жоспарланған:

• республикаішілік жүк және жолаушылар тасымалы нарығында қолжетімділікті, жеке инвестицияларды және бәсекелестікті дамытуды шектейтін кедергілерді жою;
• трансшекаралық жүк тасымалдарын жүзеге асыру мәселелерін реттеу;
• МТЖ анықтамасынан станциялық жолдарды шығару;
• жеке тасымалдаушылармен үлестес жүк жөнелтушілердің/экспедиторлардың жүк тасымалдау қызметтерін сатып алуға байқаулар өткізуі бойынша міндетті талаптарды белгілеу;
• лицензияланатын заңды тұлғаның түпкілікті бенефициарлары үшін ҚР резиденттігінің жүк т/ж тасымалдау қызметтерін көрсету жөніндегі қызметті жүзеге асыруға лицензия беру үшін талаптар белгілеу.

Бұдан басқа, бағдарлама республикалық бюджет қаражаты есебінен теміржол инфрақұрылымына күрделі салымдарды қаржыландыру тетігін құруды, сондай-ақ жүк тасымалы нарығына жеке инвестицияларды тартуды көздейді.