Ауыл шаруашылығы министрлігі жеңілдетілген қаржыландыру үшін инвестициялық жобалар тізімін кеңейтті

Ауыл шаруашылығы министрлігі агроөнеркәсіптік кешен саласындағы жобаларға Несие беру қағидаларына түзетулер енгізді. Жеңілдетілген қаржыландыру 12 бағыт бойынша АӨК басым салаларын дамытуға бағытталатын болады.

Несиелеуді жергілікті атқарушы органдар сенім білдірілген өкіл (агент) арқылы жаңаларын құруға немесе қолданыстағыларын кеңейтуге жүзеге асыратын болады:

1. сүт-тауар фермалары (қуаты 400 басқа дейін);
2. ет бағытындағы құс фабрикалары (жылына 5 мың тонна құс етінен);
3. етті мал шаруашылығы кәсіпорындары (5 мың бастан бастап);
4. көкөніс сақтау қоймалары (1000 тоннадан бастап);
5. жеміс сақтау қоймалары (1000 тоннадан бастап);
6. өнеркәсіптік жылыжай шаруашылықтары;
7. ауыл шаруашылығы өнімдерін, оның ішінде жүн мен теріні терең өңдеу бойынша кәсіпорындар;
8. қуаттылығы жылына 25 тонна тауарлық балықтан басталатын балық және басқа да су жануарларын өсіретін балық өсіру шаруашылықтары;
9. өндірістік қуаты тәулігіне 1 тоннадан бастап өңдеу, одан әрі терең өңдеу және сақтау жөніндегі балық өңдеу кәсіпорындары;
10. АӨК саласындағы жобалар бойынша буып-түю материалдарын өндіру жөніндегі кәсіпорындар;
11. құс шаруашылығындағы асыл тұқымды репродукторлар;
12. суармалы егіншілік (картоп пен көкөністер, жемшөп өндірісі) қазіргі заманғы су үнемдеу технологияларын пайдалана отырып (жаңбырлату, тамшылатып суару).

Несиелеу келесі шарттармен жүзеге асырылады: мерзімі – 10 жылға дейін, ең жоғары сомасы - 5 млрд теңге; номиналды сыйақы мөлшерлемесі – жылдық 2,5%-дан аспайды.

Қаржыландыруды мақұлдау үшін үміткердің немесе кәсіпорын басшысының ауыл шаруашылығы өнімдерін өндіру немесе қайта өңдеу саласында кемінде бес жыл жұмыс тәжірибесінің болуы; кредиттік және лизингтік міндеттемелер бойынша мерзімі өткен берешектің 90 күннен артық болмауы талап етіледі. Сондай-ақ жеткілікті жемшөп қорын (мал шаруашылығы кәсіпорындары үшін) қалыптастыру, ауыл шаруашылығы техникасы паркін материалдық-техникалық жарақтандыру үшін қажетті алқаптардың болуы қажет.