Аграрлық несие корпорациясы «Қарызды өсімпұлсыз төле» акциясын жариялады

21 қазаннан 13 желтоқсанға дейін Аграрлық несие корпорациясы қарыздарды өсімпұлсыз өтеу акциясын өткізеді.

Акцияға мерзімі өткен, оның ішінде сот шешімі бойынша өндіріп алынған берешегі бар Аграрлық кредиттік корпорацияның қарыз алушылары (заңды және жеке тұлғалар) қатыса алады. Акция кезінде қарыз алушылар қарызды өсімпұлсыз өтей алады.

«Өсімпұлды есептен шығару қарыз алушы: мерзімі өткен сыйақы сомасын, мерзімі өткен негізгі борыш сомасын, мерзімі өткен негізгі борышқа есептелген сыйақы сомасын, айыппұл сомасын толық өтеген кезде ғана мүмкін болады», - деп нақтылады АНК.

Айта кету керек, акцияға қатысушы оған тек бір рет қатыса алады.

Клиент 2024 жылдың 13 желтоқсанына дейін Аграрлық несие корпорациясының банктік шоттарына ақша аудару арқылы қарызды өсімпұлсыз өтей алады.

«Аграрлық несие корпорациясы фермерлерге тұрақты негізде барлық қолдау көрсетеді. Осыған байланысты біз өсімпұлды есептен шығару бойынша тұрақты негізде акциялар өткіземіз. Өткен жылдары ТЖ мен су тасқынына байланысты ауыл шаруашылығы тауарын өндірушілерге төлемдер кейінге қалдырылды. Біздің квазимемлекеттік секторға жататын корпорация ретіндегі басты міндетіміз - азық-түлік қауіпсіздігі мәселелерін шешу ғана емес, сонымен қатар фермерлердің табысын арттыруға ықпал ету», - деп атап өтті «Аграрлық несие корпорациясы» АҚ басқарма төрағасы Алмат Әшірбеков.