Ауыл шаруашылығы министрлігі мен Цифрлық даму министрлігі ақпараттық жүйелерді біріктірудің пилоттық нұсқасын іске қосты

Фото көзі: ElDala.kz

Ауыл шаруашылығы министрлігі мен Цифрлық даму, инновациялар және аэроғарыш өнеркәсібі министрлігінің ақпараттық жүйелерін интеграциялау жөніндегі пилоттық жоба екі ведомствоның бірлескен бұйрығымен іске қосылды.

Жоба шеңберінде «Е-agriculture» агроөнеркәсіптік кешен салалары басқармаларының Бірыңғай автоматтандырылған жүйесі «Қазақстан Республикасының ұлттық шлюзі» және «Электрондық деректердің бірыңғай қоймасы» ақпараттық жүйелерімен интеграцияланатын болады.

Бұдан басқа, Субсидиялаудың мемлекеттік ақпараттық жүйесі (СМАЖ) Жылжымайтын мүліктің бірыңғай мемлекеттік кадастрымен интеграцияланады.

Ақпараттық қауіпсіздік талаптарына сәйкестігіне БАБЖ және СМАЖ сынақтарын жүргізу 2025 жылғы 31 наурызға дейін жүргізілетін болады.

Е-agriculture агроөнеркәсіптік кешенінің салаларын басқарудың бірыңғай автоматтандырылған жүйесі арқылы мынадай мемлекеттік қызметтер көрсетілетін болады.

«Өсімдіктер карантині» модулі

1. Қазақстан Республикасының аумағында карантинге жатқызылған өнімді өткізуге карантиндік сертификат беру.
2. Карантинге жатқызылған өнімді Қазақстан Республикасынан тыс жерлерге әкетуге фитосанитариялық сертификат беру.

«Ауыл шаруашылығы техникасын мемлекеттік тіркеу» модулі

1. Тракторларды және олардың негізінде жасалған өздігінен жүретін шассилер мен механизмдерді, оларға арналған тіркемелерді, оның ішінде монтаждалған арнайы жабдығы бар тіркемелерді, өздігінен жүретін ауыл шаруашылығы, мелиоративтік және жол-құрылыс машиналары мен механизмдерін, жол талғамайтын арнайы машиналарды мемлекеттік тіркеу.
2. Тракторлардың және олардың негізінде жасалған өздігінен жүретін шассилер мен механизмдердің, оларға арналған тіркемелердің, оның ішінде монтаждалған арнайы жабдығы бар тіркемелердің, өздігінен жүретін ауыл шаруашылығы, мелиоративтік және жол-құрылыс машиналары мен механизмдерінің, жол талғамайтын арнайы көліктердің кепілін мемлекеттік тіркеу.
3. Тракторлар мен олардың негізінде жасалған өздігінен жүретін шассилер мен механизмдерді, оларға арналған тіркемелерді, оның ішінде монтаждалған арнайы жабдығы бар тіркемелерді, өздігінен жүретін ауыл шаруашылығы, мелиоративтік және жол-құрылыс машиналары мен механизмдерін, жол талғамайтын арнайы машиналарды жыл сайынғы мемлекеттік техникалық байқаудан өткізу.
4. Тракторларды және олардың негізінде жасалған өздігінен жүретін шассилер мен механизмдерді, өздігінен жүретін ауыл шаруашылығы, мелиоративтік және жол-құрылыс машиналарын, сондай-ақ жол талғамайтын арнайы машиналарды жүргізу құқығына емтихандардан өту және куәліктер беру.

«Ветеринариялық қауіпсіздік» модулі

1. Экспорттау кезінде орны ауыстырылатын (тасымалданатын) объектілерге ветеринариялық анықтама беру.
2. Мемлекеттік ветеринариялық-санитариялық бақылау және қадағалау объектілеріне ветеринариялық-санитариялық қорытынды беру.
3. Ветеринариялық анықтама беру.
4. Жануарларды өсіруді, жануарлардан алынатын өнімдер мен шикізатты дайындауды (союды), сақтауды, қайта өңдеуді және өткізуді жүзеге асыратын өндіріс объектілеріне, сондай-ақ ветеринариялық препараттарды, жемшөп пен жемшөп қоспаларын өндіру, сақтау және өткізу жөніндегі ұйымдарға есептік нөмірлер беру.
5. Тиісті аумақтағы эпизоотиялық жағдайды бағалауды ескере отырып, орны ауыстырылатын (тасымалданатын) объектілердің экспортына, импортына және транзитіне рұқсаттар беру.
6. Импорттау кезінде орны ауыстырылатын (тасымалданатын) объектілерге ветеринариялық анықтама беру.

Субсидиялаудың мемлекеттік ақпараттық жүйесі арқылы қызметтер көрсетілетін болады:

1. Жоғары өңделген өнім өндіру үшін ауыл шаруашылығы өнімдерін сатып алуға қайта өңдеуші кәсіпорындардың шығындарын субсидиялау.
2. Ауыл шаруашылығы кооперативтерінің аудиторлық одақтарының ауыл шаруашылығы кооперативтеріне ішкі аудит жүргізуге арналған шығыстарын субсидиялау (заңды тұлғалар үшін).
3. Ауыл шаруашылығы өндірісін басқару жүйесін дамытуды субсидиялау.
4. Тұқым шаруашылығын дамытуды субсидиялау.
5. Тыңайтқыштардың құнын субсидиялау (органикалық өнімдерден басқа).
6. Саны зияндылықтың экономикалық шегінен жоғары зиянды және аса қауіпті зиянды организмдерге және карантиндік объектілерге қарсы өңдеуді жүргізуге арналған пестицидтердің, биоагенттердің (энтомофагтардың) құнын субсидиялау.
7. Ауыл шаруашылығы тауарын өндірушілерге су беру жөніндегі қызметтердің құнын субсидиялау.
8. Агроөнеркәсіптік кешен субъектілерінің қарыздарын кепілдендіру және қарыздарын сақтандыру шеңберінде субсидиялау.
9. Көпжылдық екпелер өндірісін субсидиялау.
10. Басым дақылдар өндірісін субсидиялау.
11. Агроөнеркәсіптік кешен субъектілеріне несие беру, сондай-ақ ауыл шаруашылығы жануарларын, техникасы мен технологиялық жабдықтарын сатып алуға лизинг кезінде сыйақы мөлшерлемелерін субсидиялау.
12. Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау.
13. Балық шаруашылығы субъектілеріне несие беру үшін пайыздық мөлшерлемелерді субсидиялау.
14. Инвестициялық салымдар кезінде балық шаруашылығы субъектісі шеккен шығындардың бір бөлігін өтеуді субсидиялау.